| 沒有XXX的日子，第九百三十二天 晴 尋晚做左TVB節目巡禮，我呢個電視人當然要留意住啦。今年推介大家必睇既係《刑警》，除左有三哥必睇之外，個故事都非常之好。《談情說愛》同《摘星之旅》因為有林峰，所以都要睇啦。《法證III》就因為宜家追緊法證I同II，所以III都會幾期待。《巾幗》就係重頭劇啦，又係必睇。 今晚羅力威贏左亞洲星光大道冠軍，佢唱歌真係好勁。唱片公司一定要簽佢。 因為羅力威，我喜歡了聽唱作歌曲 因為羅力威，我喜歡了聽周杰倫 因為你，我喜歡了聽悲傷的歌曲 |
| |
| 沒有XXX的日子，第九百零六天 陰 今日張教練同我地訓話，話我地既訓練態度唔認真，同埋無左練習既目標，無左比賽既目標。當佢講度有d人呢幾年都無Best Time既時候，就知道佢係話緊我一個人，因為成隊人得我一個今年長池無Best Time，應該係好多年都無Best Time啦，佢話係因為「果d人」訓練水準下降左，同埋根本無目標、無個心想去做好佢，所以比賽無可能會游到好時間。其實係唔係真係訓練水平下降左呢？以前我練水游一個最快得1:10，今年暑假好多次都游到1:07，其實係有進步既。不過……我承認我無左目標、無左個心去游啦，以前既我係最唔怕辛苦，越攰越會去頂住，所以果陣時覺得練水係一件好有挑戰性既事，長池練水可以游到1:09，仲贏埋bonus既 $1000，因為果陣時有個心想游好時間，出外國大賽，威俾其他人睇。但係宜家呢？當張教練問我地既目標係咩既時候，我都即刻問自己，究竟我宜家既目標係咩呢？我為左咩而去練水呢？有人為左亞運，有人為左香港紀錄，但係呢四年已經證明左我距離呢兩樣野實在太遠。 好多教練都放左好多心機係我度，但係我一日解決唔到呢個問題，我點樣都會練得唔好，只會去到泳池，但係無心練。 其實馮教練一早睇到我呢個問題，馮教練單獨對我講過：「沒有目標是不行的。」佢臨走前交低俾我既目標，我仍然未做到，亦都根本無可能。 以前人地比賽聽到陸仔呢個名，即刻會變得緊張，但係宜家俾人當「魚腩」咁食啦！ |
| |
| 沒有XXX的日子，第八百九十一天 晴 今年最重要果d比賽終於完結啦，呢兩日比賽令到我自己好深刻，真係好深刻。星期六長池champ，游一百同五十蛙，時間就已經知道唔會可以返番去以前既當Fit既我既時候，但最唔開心既係雖然我已經唔及佢地，但世界原來係可以現實到無人理自己架。打氣聲？算啦。我知道我既人緣係好差好差，連阿媽都問我係唔係係泳界已經無朋友，所以唔會好似以前咁有果種打氣聲。我自己都無所謂，鬼叫自己唔夠人游咩宜家，做下綠葉都無計架啦。游完之後，我只係想知游成點jei，有咩可以改善下，同埋分段時間係幾多jei，竟然得到既答案係：咦？你游完啦？ 哈哈，真係十萬個得意。唔緊要啦，諗住問下自己分段係幾多，哈哈，仲正，無人知。佢地只係知仁哥郭森符振邦郭浩天既分段，哈哈。我再繼續問，終於有一個人知，多謝曬真係。 大專盃時間都係咁啦，游二百蛙同四式接力既時候本身真係打定輸數，但係潛意識突然間湧出個腦，一路話我知我既目標係咩，係為左咩，咁就有一種好特別既火衝上黎，真係自己都控制唔到，好恐怖。 有d人游得差就會有人安慰，有d人游得好就會有人恭喜佢讚佢，我就好同唔好都要自己去面對。 係呢度我想多謝一個人，我亦都唔理有d人見到可能會亂講野，可能會疏遠你，雖然我都係近呢半年先同佢熟，但係佢應該係唯一一個會同我打氣同留意我比賽既人，愛死你啦！XD |
| |
| 沒有XXX的日子，第八百七十二天 晴 睇返我之前果一篇post，我想係度講聲對唔住，我所講既所有野都係無憑無據，而且今日既消息，足以證明左我所講既野全部都係垃圾，或者今時今日所發生既野全部都係報應，我已經唔知自己可以點行條路，或者呢條路根本就唔係我可以行，愈行似乎唔開心更多，報應就可能會更加多，由一開始無信心既我，慢慢又加d信心，當去到信心爆棚既時候，就會因為外來因素而慢慢滑落，滑落到最低點，今日1:32am既我，就係最低點既我。其實呢一個cycle自己已經行過兩次，呢次已經係第三次，仲需要第四次嗎？有人話過一個陷阱中第一次，無計，自己黑仔。明知前面有個陷阱，都要跌落去，咁樣叫低能。明知繼續咁樣行落去，受過之前兩次經驗，都要跳落個陷阱度，咁樣叫戇居到無得救。如果我第四次踩落個陷阱度，會唔會連人都不如呢？其實有無人明白我呢？如果你地話唔開心咪走囉，咁你地係唔明白我既人。 真係想喊，真係好想喊，喊出黎真係可能會舒服d，女仔一個人攬住枕頭就喊得，或者攬住自己既朋友又喊得，但係男仔真係喊唔出，或者你地會叫我搵人傾訴。朋友？少之又少，可以傾訴既我找曬成個list都搵唔到，以前果d都有自己既生活，唔理得我咁多。 再一次對你講聲對唔住，之前所講既野全部都係唔啱，到左今日我覺得你做既所有野都係啱，對於我黎講真係一個指標。 Anyway，恭喜曬大家。 現時 1:57 am，一路聽歌一路打，送首歌俾大家 心淡 想不起 怎麼會病到 不分好歹
連受苦都甜美 我每日捱著 不睬不理
但卻捱不死 又去癡纏你
難道終此一生 都要這麼 不可爭一口氣
＊很謙卑 只不過是我 太過愛你
連自尊都忘記 跌到極麻木 只好相信
又再爬得起 就會有轉機
若我不懂憎你 如何離別你
亦怕不會飛＊
＃由這一分鐘 開始計起 春風秋雨間
限我對你以半年時間 慢慢的心淡
付清賬單 平靜的對你熱度退減
一天一點 傷心過這一百數十晚
大概也夠我 送我來回地獄又折返人間
春天分手 秋天會習慣 苦衝開了便淡＃
REPEAT＊＃
(說甚麼再平反)只怕被迫一起 更礙眼
(往後這半年間)只愛自己 雖說不太習慣
畢竟有限 就當過關
REPEAT＃ PS. 心淡唔一定要係關於愛情既 黑仔 低能 戇居到無得救 悲哀代言人 傻小子 |
| |
| 沒有XXX的日子 第七百九十一天 雨 雖然我無睇你xanga同facebook，但係我都知道發生緊D咩事既。其實你近排做既野或者你既態度都好有問題，當初我以為只係我一個人覺得係咁，但原來唔係，其他人都覺得係咁，只不過佢地根本就無膽同你講，或者佢地唔想得罪你無左你呢個朋友先無對你講，咁橫掂我都已經係你最憎既人，咁不如由我開口囉，希望你真係會睇到知道，之後改唔改係你自己閣下既事啦。 游水係人都想唔使練就有好成績架啦，但係呢個世界又有幾多個天才呢，你口口聲聲話要進步，又要游到D乜乜時間，又要贏阿邊個邊個，又要代表香港游D咩咩比賽，都係你練水真係有擺個心落去咩？你真係有盡力去練好咩？我果日聽到某某話你係度Hea，我知道你會有唔開心或者好嬲，但係你自己諗下佢有無話錯你先？唔止佢，好多人都覺得你既練水態度係有問題。偷步、U-turn、蝶式游自由式等等，呢一切一切都唔會為你帶黎進步架喎，如果你想進步，呢D全部都要改啦。你唔想俾人話你，就用行動去塞住人地把口啦。 你唔好成日以為做既野都係啱先得架，做之前可唔可以先諗下後果呢？遇到D唔合你心水既事，你就會即刻想排斥佢，好似公投某某咁，如果你真係想佢走咁你第一次就應該投反對啦，反而就係因為佢話左你，你就即刻唔想佢存在，即刻組織聯合軍咁去討伐佢。講真，應唔應該留低，應該係根據果個人既訓練態度囉，係，佢把口係好臭，唔識得收，但係佢既態度唔係差架喎，相反，如果要人走，係唔係應該由態度差果D走先呢？你根本就想個個企曬你果邊，個個都要認同你，如果唔係既話就要佢消失，永遠只會有你講無人講，決定就唔會再根據客觀既事實，咁樣你大個出黎社會就會好危險啦。 我知道你有好多朋友，但係果D所謂既朋友，究竟係唔係你真正既朋友呢？我想你知道唔係次次支持你撐你做法既人，就係你既好朋友黎架，真正既好朋友係當你有困難既時候會係旁邊支持你鼓勵你，當你有做錯既時候會提點你改正你呀。宜家你同你果D朋友傾計既時候，佢地只會係識得點頭話係囉，跟住永遠都會贊同你，就曬你咁樣，果D都可以話係朋友黎既，但肯定只會係酒肉朋友，可以共富貴而不可共患難囉。我亦都想同你果D朋友講，如果你地真係當佢係真心朋友，你地唔好再就佢啦，唔好只係識得點頭，有錯就要提醒佢，我知你地唔肯講係因為你地唔想無左佢呢個朋友，但係你地真係忍心見佢咁樣落去？你地自己諗下啦。 我講多次，唔單止係我一個人覺得，而係佢地唔夠膽講姐。我知你實會話我好多事，我亦都想講以上只係我同某D人既見解，你完全可以唔聽唔理，同埋我自問無資格做你既朋友，你唔使驚，同埋你想我消失既話都係一件好快既事，唔需要公投，仲有兩年左右我就會離開。仲有，人既容忍係有限度架，過左呢個限度真係咩都做得出架。 悲哀代言人 傻小子 賤人 |
| |
